اسلام آباد ۔ 23 جولائی (اے پی پی) وزیراعظم عمران خان آکھیے جو پاکستان امریکہ نال باہمی اعتماد اتے برابری دی بنیاد تے دوستانہ تعلقات چاہندے،پاکستان دی جمہوری منتخب حکومت اتے پاک فوج ہکے صفحے تے ہین، فوجی قیادت منتخب حکومت دے نال کھڑی اے۔اے گالھ انہاں امریکی تھنک ٹینک ”انسٹی ٹیوٹ آف پیس“ نال خطاب اتے سوالاں دے جواب ڈیندے ہوئے پاک امریکا تعلقات بارے اپنڑے اختتامی سنیہے اچ آکھی۔انہاںا ٓکھیاجو پاکستان امریکا نال امداد نئیں صرف باہمی عزت و احترام اتے برابری دی بنیاد تے تعلقات چاہندے،جیکر تہاڈے تعلقات کہیںلالچ یا امداد دی بنیاد تے ہوون تاں ملک دی خود مختاری اتے عزت نفس ووقار تے حرف ا ٓندے اتے تساں ہمیشہ محکوم راہندے ہو،غریب اتے امیر سنگتی بنڑ سگدن بھل ایندے اچ باہمی احترام اتے عزت نفس دا خیال رکھنڑا چاہیدے۔انہاں آکھیے جو اگیں پاکستان دے امریکا نال تعلقات اتار چڑھاو دا شکار رہین،پاکستانی عوام سمجھدے رہین جو او امریکی جنگ لڑدے پین،اساں افغان جنگ دی بہوں وڈے بھوگ بھوگین،ارباں ڈالر دا نقصان کیتے،70 ہزار جاناں دی قربانی ڈتی اے بھل ایندے باوجود ڈوہاں ملکاں وچال عدم اعتماد نئین مک سگیا،میں ہر ویلھے آہداں ریہان جو افغان مسلے دا حل جنگ نئیں صرف مذاکرات ہین۔ انہاںا ٓکھیے جڈاں ٹرمپ میکوں دورے دی دعوت ڈتی تاں اساں جے مجے اچ پئے گئے بھل اتھاں اتنی آو بھگت اتے مہمانداری و خلوص ڈیکھ تے حیرت اتے خوشی تھئی اے جو ایں ویلھے پاکستان دے امریکہ نال بہترین تعلقات ہین،ڈوہاں دا افغانستان تے ہکو موقف اے، افغان مسئلہ دا کوئی سوکھا حل ممکن کائنی بھل پاکستان، افغانستان اتے امریکہ رل تے ایندا پائیدار حل کڈھ سگدن۔
.jpg)
