اسلام آباد ۔11 فروری (اے پی پی)وزیر اعظم شاہد خاقان عباسی معروف قانون دان عاصمہ جہانگیر دے انتقال تے تعزیت دا اظہار کریندے ہوئیں آکھیے جو عاصمہ جہانگیر دی جمہوریت سانگے خدمات ناقابل فراموش ہن،اج ملک ہک بہادر تے اصول پسند شخصیت توںمحروم تھی گے۔آمریت دے خلاف تے جمہوریت دے حق اچ عاصمہ جہانگیر دی جدوجہد ناقابل فراموش ہے اتوار کوں اتھاں جاری تھیونڑ آلے تعزیتی بیان اچ وزیراعظم شاہد خاقان عباسی مرحومہ سانگے دعا ئے مغفرت اتے لواحقین سانگے صبر جمیل دی دعا کیتی ۔ وزیر اعظم شاہد خاقان عباسی اپنڑے پیغام اچ آکھیا جو عاصمہ جہانگیر انسانی حقوق دی پامالی دے خلاف بے جگری نال لڑیاں۔عاصمہ جہانگیر آمریت کوں ڈٹ تے للکارا،اج ملک ہک نڈر ، بہادر اتے اصول پسند شخصیت توں محروم تھی گے، انہاں آکھیا جو بے زباناں ، بے سہاریں تے مظلوماں دی آواز اج خاموش تھی گی اے، عاصمہ جہانگیر دا انتقال وکلاءبرادری سانگے ہک بہوں وڈا ضیان اے۔ انسانی حقوق دے تحفظ سانگے انکا کردار قابل تعریف اے ۔عاصمہ جہانگیر دی پوری زندگی عدل و انصاف دے قیام اتے قانون دی حکمرانی سانگے وقف رہی ۔ آمریت دے خلاف تے جمہوریت دے حق اچ عاصمہ جہانگیر دی جدوجہد ناقابل فراموش ہے ۔انہاں دی فوتگی پوری قوم سانگے ڈکھ دی گھڑی اے ، وزیر اعظم آکھیا جوعاصمہ جہانگیر پاکستان دی سیاسی اتے عدالتی تاریخ تے انمٹ نقش چھوڑیے۔
.jpg)
