دفتر خارجہ دے ترجمان ڈاکٹر محمد فیصل دی ہفتہ وار پریس بریفنگ

ترجمان دفتر خارجہ بھارتی سفارتی عملے کوں ہراساں کرنڑ متعلق الزام کوں مسترد کر ڈتا
پاکستان ویانا کنونشن دا احترام کریندے ، پاکستان اچ بھارتی سفارت کار پوری آزادی نال کم کریندے پن ،پاکستان افغانستان اچ پائیدا ر امن کیتے کوششاں جاری رکھیسی ،افغانستان اچ امن دیاں کوششاں اچ بھارت دا کوئی کردار کائنی
اسلام آباد ۔ 27 دسمبر (اے پی پی) دفتر خارجہ دے ترجمان ڈاکٹر محمد فیصل بھارتی سفارتی عملے کوں ہراساں کرنڑ متعلق الزاماں کوں مسترد کریندے ہوئیں آکھیے جو پاکستان ویانا کنونشن دا احترام کریندے تے پاکستان اچ بھارتی سفارت کار پوری آزادی نال کم کریندے پن ۔پاکستان افغانستان اچ پائیدار امن و استحکام دی غرض نال مصالحتی عمل کیتے تعمیری کوششاں جاری رکھیسی ۔افغانستان اچ امن دیاں کوششاں اچ بھارت دا کوئی کردار کائنی ۔مسئلہ کشمیر ترجیحات اچ سر فہرست اے ۔بھارت اچ پاکستان دے 341قیدی ہن انہاں اچ 154سول جڈاں جو باقی ماہی گیر ہن ۔سی پیک اقتصادی منصوبہ اے ایندا دفاعی امور نال کوئی تعلق کائنی ۔خمیس کوں ہفتہ وار پریس بریفنگ دے دوران ترجمان بھارتی سفارتی عملے کوں ہراساں کرنڑ متعلق الزام کوں مسترد کر ڈتا تے پاکستان کوں ویانا کنونشن دا احترام کریندے جڈاں جو پاکستان اچ بھارتی سفارت کار پوری آزادی نال کم کریندے پن ۔انہاں بنگلہ دیش اچ انتخابات اچ مداخلت دے الزام کوں مسترد کیتا تے آکھیا جو پاکستان ڈوجھے ملکاں دے اندرلے معاملات اچ عدم مداخلت دی پالیسی تے عمل پیرا اے ۔ترجمان وزیر خارجہ دے اجوکے چار ملکی دورے دے حوالے نال آکھیا جو کابل،تہران،بیجنگ اتے ماسکو وچال شٹل ڈپلومیسی افغان جھیڑے دے پر امن حل اچ سارے سٹیک ہولڈر وچال اتفاق رائے پیدا کرنڑ اچ معاون ثابت تھیسن ۔

مضمون کا ماخذ : raspadinha آن لائن

متعلقہ مضامین