پاک بحریہ دے جہازپی این ایس عالمگیر اتے پی3 سی ائیر کرافٹ دی ترکی اچ بین الاقوامی بحری مشقاں اچ شرکت

اسلام آباد ۔ 21 نومبر (اے پی پی) پاک بحریہ دے جہاز پی این ایس عالمگیر اتے پی 3 سی ائیر کرافٹ ترکی اچ منعقدہ بین الاقوامی بحری مشقاں اچ شرکت کیتی، اے مشقاں 9 توں 21 نومبر تئیں بحیرہ روم اچ منعقد تھیاں، پاکستانی جہازاں ترک بحریہ دے نال مشرقی بحیرہ روم اچ منعقدہ پاکستان اتے ترکی وچال ڈو پاسے مشق اچ بھرپور شرکت کیتی ۔ ترجمان پاک بحریہ دے مطابق مشقاں اچ 12توں ودھ ملکاں دی فوج شرکت کیتی جیں دا مقصد مختلف مہارتاں تے سانجھیاں حربی صلاحیتاں ودھاونڑیاں ہن ۔ پاک بحریہ خطے دی میری ٹائم سکیورٹی کوں یقینی بنڑاونڑ اچ ہمیشہ کلیدی کردار ادا کریندی رہ گی اے۔ ترکی دی بندرگاہ اکساز دے دورے دے دوران پی این ایس عالمگیر تے استقبالیے دا اہتمام وی کیتا گیا ۔ استقبالیے اچ ترک بحریہ دے اعلی حکام، پاکستانی کمیونٹی، بحری مشقاں اچ شریک ڈوجھے جہازاں دے افسراں ، سفارتی اتے مقامی شخصیات وڈی تعداد اچ شرکت کیتی،ایں دورے دے دوران کشمیر اچ بھارتی ظلم اتے کشمیر تے پاکستان دے اصولی موقف تے وی بین الاقوامی برادری دی توجہ کرائی گی ۔

مضمون کا ماخذ : جنگل کے راز

متعلقہ مضامین