وزیراعظم عمران خان دی صدارت اچ پاکستان دی ڈائمنڈ جُوبلی 2022 دی تقریبات دی تیاری دے حوالے نال جائزہ اجلاس

APP36-070122 ISLAMABAD: January 07 Prime Minister Imran Khan chairs a meeting regarding preparations for Diamond Jubilee of Pakistan Independence. APP

اسلام آباد۔7جنوری (اے پی پی):وزیر اعظم عمران خان ہدایت کیتی اے جو یوم آزادی دی ڈائمنڈ جوبلی تقریبات دا مرکزی پیغام اتحاد، انصاف اتے آپݨی آزاد حیثیت تے فخر ہووݨا چاہیدے تے ایں حوالے نال تقریبات کیتے تیار کیتے ڳئے مواد منفرد،مستند اتے ساݙی تاریخ کوں سامݨے رکھ تے وضع کیتا ونڄے ، اے ڳال انہاں جمعے کوں پاکستان دی ڈائمنڈ جُوبلی 2022 دی تقریبات دی تیاری دے حوالے نال جائزہ اجلاس دی صدارت کریندے ہوئیں آکھی اے ۔ اجلاس اچ وفاقی وزیر اطلاعات و نشریات چوہدری فواد حسین، وزیراعظم دے معاونین خصوصی ڈاکٹر شہباز گل، شہزاد نواز، سکریٹری اطلاعات شاہیرہ شاہداتے سینئر افسران شرکت کیتی۔ وزیراعظم آکھیے جو پاکستان دی ڈائمنڈ جُوبلی تقریبات مناوݨ دا مقصد متحد پاکستانی قوم دا آپݨی آزادی تے فخر دا اظہار ہوسی ، تقریبات اچ قائد اعظم اتے علامہ اقبال دے نظریات کوں اجاگر کرݨا اے ، انہاں آکھیے جو ایں سال یوم آزادی تے دنیا ݙیکھسی جو پاکستانی قوم متحد اتے مضبوط قوم اے، متنوع ثقافت، قدرتی وسائل اتے ہم آہنگی ساݙی اصل سنڄاݨ ہن ۔ انہاں ہدایت کیتی جو تقریبات دے حوالے نال تیار کیتے ڳئے مواد منفرد، مستند اتے اساݙی تاریخ کوں سامݨے رکھ تے بݨایا ونڄے ، انہاں آکھیے جو ڈائمنڈ جوبلی تقریبات دا مرکزی پیغام اتحاد، انصاف اتے آپݨی آزاد حیثیت تے فخر ہووݨا چاہیدے ۔ معاون خصوصی شہزاد نواز وزیر اعظم کوں تقریبات دیاں تیاریاں دے حوالے نال تفصیلی بریفنگ ݙتی ۔

مضمون کا ماخذ : پھل اور سات

متعلقہ مضامین