اسلام آباد۔9مئی (اے پی پی) وفاقی وزیر داخلہ رانا ثنا اللہ خان عمران خان دی القادر ٹرسٹ اتے توشہ خانہ کیس اچ گرفتاری دی تصدیق کریندیں ہوئیں آکھیا جو نیب سارے قانونی تقاضے پورے کریندیں ہوئیں کرپشن ریفرنسز اچ عمران خان دی گرفتاری کیتی اے، عمران کان ملک دشمن قوتاں نال رل تے پاکستان دے اداریاں کوں نقصان پجاوݨ تے تلیا ہئے۔ عمران خان دے علاوہ انہاں دے جماعت دے لوک وی ایجھی حرکتاں اتے کاروائیاں اچ ملوث ہن جیڑھے ملک دشمنی دے زمرے اچ امدن، پاکستان دے اداریاں اتے ایجنسیاں دے خلاف عمران کان دا بیان وی فرمائشی بیان اے۔ او منگل کوں پی ٹی وی ہیڈکواٹر اچ پریس کانفرنس توں خطاب کریندے پے ہن۔ وزیر داخلہ رانا ثنا اللہ خان آکھیا جو عمران خان نیازی کوں اڄ نیب گرفتار کیتے ۔ ہک پراپرٹی ٹائیکون دی رقم برطانیہ اچ پکڑی ڳی، 190 ملین پاؤنڈ جیڑھا جو 60 ارب روپے ٻݨدی اے، قانون موجب اے پاکستان دی امانت ہئی اتے قومی خزانے اچ واپسی آوݨی ہئی، برطانوی حکومت پاکستانی حکومت نال رابطہ کیتا اتے رقم واپسی انتظامات بارے ڳالھ کیتی، عمران خان دا ساتھی شہزاد اکبر وچ آیا اتے سودا بازی کیتی جئیں پاروں القادر ٹرسٹ ٻݨایا ڳیا ایں ٹرسٹ دے ناں تے 458کنال اتھاں اتے 240 کنال ڄاہ بنی گالہ اچ القادر دے ناں تے منتقل تھی ہئی۔ انہاں آکھیا جو ست ارب دی پراپرٹی اچ ݙو ارب شہزاد اکبر ڳھن تے 190 ملین پاؤنڈ سپریم کورٹ دے اکاؤنٹ اچ ایڈجسٹ کریندیں ہوئیں رقم ایں پراپرٹی ٹائیکون کوں واپسی ݙے ݙتی ڳی۔ وزیر داخلہ رانا ثنا اللہ خان آکھیا جو القادر ٹرسٹ دی رجسٹریاں،ا نتقال موجود اے ، ہک پیسہ نی ݙتا ڳیا۔ انہاں آکھیا جو عمران خان گرفتاری دے موقع تے مزاحمت کیتی اے، وکلا کوں زیب نی ݙیندا جو او کہیں جماعت دے بندے دی گرفتاری اچ رکاوٹ ٻݨن۔ ہک سوال دے جواب اچ انہاں آکھیا جو عمران خان ایں ویلھے ملک دشمن قوتاں نال رل تے پاکستان دے اداریاں کوں نقصان پجیندا پے۔ عمران خان دے علاوہ انہاں دے جماعت دے لوک وی ایجھی حرکتاں اتے کاروائیاں اچ ملوث ہن جیڑھے ملک دشمنی دے زمرے اچ امدن۔ ایں مہم جوئی پچھوں کیڑھی کیڑھی غیر ملکی قوتاں ہن جیڑھے ایں بیانیے دی کوشش کریندے پن۔ انہاں آکھیا جو عمران خان دی گرفتاری کتھوں تھئی ایں ابرے نیب دی حکمت عملی اپݨی ہئی، اگر وارنٹ گرفتاری ہووے تاں ہر ڄاہ توں گرفتاری دا اختیار اے۔
.jpg)
