حمزہ خان وانڳ باصلاحیت نینگر اساݙی قوم دا فخر اتے سرمایہ ہن، وزیراعظم

عالمی جونیئر سکواش چیمپین کوں حوصلہ افزائی کیتے ہک کروڑ روپے دا چیک ݙتا

اسلام آباد۔3اگست (اے پی پی) وزیراعظم محمد شہباز شریف آکھیا جو حمزہ خان وانڳ باصلاحیت نینگر اساݙی قوم دا فخر اتے سرمایہ ہن۔ اے ڳالھیں انہاں عالمی جونیئر اسکواش چیمپین حمزہ خان نال ڳالھ مہاڑ کریندیں ہوئیں آکھی جنہاں خمیس کوں انہاں نال ملاقات کیتی۔ ملاقات اچ حمزہ خان دے پیو نیاز اللہ خان اتے انہاں دی اماں دے علاوہ وزیر بین الصوبائی رابطہ احسان اللہ مزاری، نعاون خصوصی شزا فاطمہ خواجہ، سیکٹری بین الصوبائی رابطہ حنیف اورکزئی اتے سینئر وائس پریزیڈنٹ پاکستان سکواش فیڈریشن ایئر وائس مارشل کاظم حماد وی موجود ہن۔ وزیراعظم عالمی جونیئر سکواش چیمپین کوں حوصلہ افزائی کیتے ہک کروڑ روپے دا انعامی چیک ݙتا۔ حمزہ خان وزیرِ اعظم دا شکریہ ادا کیتا اتے پاکستان اسکواش فیڈریشن دے تعاون دی وی تعریف کیتی۔

مضمون کا ماخذ : را کی کتاب

متعلقہ مضامین